monumenta.ch > Plinius > sectio 103
Word Selection for Searching
Report an Error in this Sectio
Plinius, Naturalis Historia, 29, 103
{XXXIII} Veneficiis ex mustela silvestri factis contrarium est ius gallinacei veteris large haustum; peculiariter contra aconita addi parum salis oportet. gallinarum fimum, dumtaxat candidum, in hysopo decoctum aut mulso contra venena fungorum boletorumque, item inflationes ac strangulationes, quod miremur, cum, si aliud animal gustaverit id fimum, torminibus et inflationibus adficiatur.